Батырларымыздың өнегелі өмір жолын жас ұрпаққа үлгі ету мақсатында тарихи деректермен бөлісуді жалғастырады.

Бүгін біз Кеңес Одағының Батыры Әлия Молдағұлованың нағашысы, майдангер-прокурор Бисембай Хабиев туралы айтып өтеміз.

Ол соғысқа дейін Ақтөбе облысында прокурордың көмекшісі болып қызмет етіп, 1941 жылы 312-атқыштар дивизиясының әскери тергеушісі ретінде майданға аттанады. Венгрия жерінде Жеңіс күнін қарсы алған Бисембай Хабиев «Қызыл Ту», ІІ дәрежелі «Отан соғысы» ордендерімен марапатталған.

Соғыстан кейін Темір ауданының прокуроры, кейін Ақтөбе облысы прокурорының бірінші көмекшісі болған. Батыр Әлияның «Мен де көкем сияқты прокурор боламын» деген бала арманы еске алынып, ол есімін ұлықтауға бар күшін салды.

Тарихты ұмытпайық — ерлер ерлігін ұрпаққа жеткізейік!