Мектебімізде «Қамқор» жобасы аясында «Лудомания – қазіргі қоғам дерті» атты тақырыбында профилактикалық түсіндірме жұмысы өткізілді.

Іс-шараға Ақтау қаласы ПБ ҚҚБ ЮПБ кәмелетке толмағандар ісі жөніндегі полиция аға лейтенанты Бердіхан Ақжол Қуандықұлы, қатардағы кіші жедел уәкіл Манапов Абдулмумин Абдулхаликович, мектеп әкімшілігі және әлеуметтік педагог қатысты.

Кездесу барысында жасөспірімдер арасындағы құмар ойындардың зияны, құқықтық жауапкершілік және оның әлеуметтік салдары туралы кеңінен түсіндіру жұмыстары жүргізілді. Оқушылар тарапынан қойылған сұрақтарға нақты жауап беріліп, кері байланыс орнатылды.

Басты мақсат — құқықтық сауаттылықты арттыру және салауатты өмір салтын қалыптастыру.