18 ақпан күні мектебімізде 11-сынып оқушыларына арналған Қаңтар ҰБТ қорытындысы және алдағы Ұлттық бірыңғай тестілеуге (ҰБТ) дайындық жұмыстарына байланысты жиналыс өткізілді.

Жиналысты мектеп директоры Шатенов Б.О. ашып, оқушыларға Қаңтар ҰБТ нәтижелерінің маңыздылығын атап өтті. Ол бітіруші түлектерге сәттілік тілеп, сапалы білім мен жүйелі дайындықтың жоғары нәтижеге жеткізетінін айтты.

Жиналыс барысында оқушыларға психологиялық дайындық, жауапкершілік пен табандылықтың маңызы түсіндірілді. Қаңтар ҰБТ-да жіберілген қателіктерге талдау жасалып, алдағы негізгі тестілеуге сапалы дайындалу қажеттігі атап өтілді. Соңында оқушылар өздерін қызықтырған сұрақтарын қойып, тиісті жауаптарын алды.
Соңында жақсы көрсеткіш көрсеткендер мен ең жоғары балл жинағандар марапатталды.