Бүгін мектебімізде «Теңге – тәуелсіздігіміздің жетістігі» тақырыбында Линкольн–Дуглас форматындағы пікірсайыс өтті. Бұл форматтың ерекшелігі — екі спикердің қарарды құндылық пен критерий тұрғысынан талдап, өз ұстанымдарын логикалық дәлелдермен қорғауында. Қатысушылар осы талаптарды жоғары деңгейде орындап, тақырыпты жан-жақты талқылай білді.
Мектеп ұжымы пікірсайыс барысында оқушылардың ойды жүйелі құра білуі, қарсы пікірге рефутация жасау қабілеті және сөйлеу мәдениеті айқын көрінгенін атап өтті.
Қазылар шешімі бойынша:
Жеңімпаз — Абаев Ақыл.
Екінші орын — Бердімұрат Илиясқа берілді.
Екі спикер де жоғары дайындық деңгейін көрсетіп, пікірталасқа белсенді қатысқандығы үшін мақтауға лайық.
Мектеп атынан барлық қатысушыларға рақмет айтылып, осындай шаралар оқушылардың ойлау қабілетін, шешендік өнерін және талдау дағдыларын дамытатыны ерекше атап өтілді.